De Serge Tonnar trëtt hei mat zwee aussergewéinlech villsäitegen Jazzmuseker op. De Boris Schmidt um Kontrabass ass e Meeschter vum Groove – seng roueg, awer onerschütterlech Präsenz verleet dem neie Klang déi néideg Déift. De Michel Meis spillt d’Batterie wéi e melodescht Instrument: subtil, verspillt a voller Iwwerraschungen. Den Autodidakt Serge Tonnar op der akustescher Gittar mécht den Trio komplett a léisst seng Lidder an engem frësche Klanggewand erwächen – mat méi Raum a Pausen, e bëssen jazzy an easy-going, awer ëmmer nees duerchwuess mat fatzegen Instrumentalpassagen.

Serge Tonnar: Gittar & Gesang
Boris Schmidt: Kontrabass
Michel Meis: Batterie

Doors: 19:00
23 € Erwuessener (+2€ Service Fee)
13 € Studenten (+2€ Service Fee)
1,50 € Kulturpass

𝗞𝘂𝗹𝘁𝘂𝗿𝗽𝗮𝘀𝘀
Den Entrée mam Kulturpass ass an der Oweskeess méiglech. Well mir dofir eng Bestätegung vun Ärer Identitéit brauchen, froe mir Iech, Äre Kulturpass mat op d’Evenement ze bréngen.

𝗦𝗲𝗿𝘃𝗶𝗰𝗲 𝗙𝗲𝗲
Op all Ticket (ausser dem Kulturpass-Tarif) gëtt eng “Service Fee” vun 2€ berechent. Merci fir Äert Versteesdemech.